قليل البخت يلاقى العضم فى الكرشة المطربة شذى تعلن إصابتها بفيروس كورونا أثناء تواجدها فى أمريكا للتنزه
كتب .. سامى راغب العمده
نشرت الفنانة شذى تعليقا عبر صفحتها على موقع التواصل الاجتماعى فيسبوك تعلن فيه عن تعرضها إلى الإصابة بفيروس كورونا المستجد أثناء تواجدها فى أمريكا وقالت شذى أيوه بقا يا زوزو ياللي في أمريكا وبتتفسحي وعايشة حياتك أحب أقول لكل أحبائي قليل البخت يلاقي العضم في الكرشة وكانت شذى تعرضت إلى أزمة صحية منذ فترة قصيرة دخلت على أثرها المستشفى وهو ما أعلنته عبر فيسبوك وكتبت شذى الحمد لله إمبارح كان يوم صعب أوي أول مرة أحس بوجع كده في راسي كان دايما يجيلي صداع و يروح بس امبارح حقيقي أول مرة يفضل صداع وخبط أكتر من نص يوم ولا مسكن كان بيمشيه ولا حاجة ولحد دلوقتي لسه في خبط في راسي وتابعت شذى أنا بكتب الكلام ده علشان محدش يكبر دماغه ويقول شويه صداع وهيروحوا لأن أنا لولا زن الست اللي بتشتغل معايا الحمد لله كانت موجودة معايا في البيت ولولا جدعنتك واهتمامك إني أروح المستشفى ونزول أخويا الصغير الجدع اللي نزلي الفجر علشان يوديني وأوضحت شذى الله أعلم كان إيه اللي حصل لأني لما وصلت الدكاترة قالوا إن الضغط عالي جدا وإن ده مش صح ودخلوني وعلقولي محلول والحمد لله بقيت أحسن وخرجوني الحمد لله من الآخر متستهونوش لأني لولا إنهم نزلوني مجبرة كنت دخلت نمت والله أعلم كان إيه هيحصل
