أشرف زكي يفجر مفاجأة وراء موت الفنان تامر ضيائي.. بسب مشاجرة

كتب_زينب غازي

كشف الدكتور أشرف زكي نقيب المهن التمثيلية، عن سبب وفاة الفنان والمؤلف تامر ضيائي، في تصريحات صحفية قائلا: ” أن وفاة تامر ضيائي جاءت بعد تعرضه لصفعة واعتداء من أحد الأشخاص، خلال مشاجرة، حيث كان بصحبة زوجته التي تعالج من السرطان، ويجري التحقيق في ملابسات الحادث بقسم شرطة التجمع الأول”.

وأمر الدكتور أشرف، بتكليف المستشار القانوني للنقابة لمتابعة واقعة وفاة الفنان تامر ضيائى، والذى توفى صباح اليوم أثناء خروجه من أحد المستشفيات بالتجمع الخامس، بعد مشادة مع أحد أفراد الأمن.

وقال شعبان سعيد المحامي بالنقض المستشار القانوني لنقابة المهن التمثيلية، أن موقف النقابة واضح وهو الوقوف بجانب أسرة الفنان الراحل كمجنى عليهم فى واقعة مقتله، وفق وصفه، ونناشد النيابة العامة بكشف ملابسات الواقعة، والقبض على الجناة.

وتقوم الجهات المختصة فى الوقت الحالي بتحرياتها حول الواقعة، للوقوف على ظروفها، وتم اتخاذ الإجراءات القانونية اللازمة، لكشف كافة الملابسات المحيطة بالواقعة.

ونشرالراحل تامر ضيائي منشورًا عبر صفحته الرسمية على موقع التواصل الاجتماعي «فيسبوك»، تحت عنوان «وصية»

وكتب تامر ضيائي: بوست الوصية ده هيفضل باين على صفحتي لحد ما أموت، الحقيقة اللي كلنا عارفينها ومتأكدين منها أننا كلنا ربنا كاتبلنا إننا نموت في ميعاد محدد غير معروف، وعشان كده كتبت الكلام ده لأنى محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعًا مش هعرف أقولها لحد.

وذكر تامر ضيائي تفاصيل وصيته، والتي تتمثل في 10 بنود:
1- صلاة الجنازة أهم من العزاء وهي اللي كل ما العدد زاد كل ما ثوابى ما كان أكتر، فأرجوكم تصلوا عليا.

2- مش شرط تيجى العزاء وياريت لو اتعمل في البيت أو مكان بسيط بفلوسه تطلعولي صدقة جارية أفضل.

3- من فضلكم لم يثبت أو يتفق عليه عمل ختمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش، وادعولي الوقت اللى هتقروا فيه جزء فضوا نفسكم واقعدوا ادعوا فيه.

4- بلاش صدقة جارية تقليدية وسهلة ومش مستفاد بيها يعنى المصاحف كتير في مصر أوى وكل بيت فيه كتير فممكن نحط الفلوس في جامع بيتبنى أو كرسى متحرك في مستشفى يستفيدوا بيها المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة.

5- دي نقطة مهمة أوى بالنسبة ليا.. محدش يقول لحد بتعيط عليه ليه، ومتعيطش عشان هو بيتعذب، الكلام دة غلط، سيبوهم يعيطوا لحد ما يطلعوا كل الشعور اللى عندهم ومفيش حاجة بتقول إن العياط معناه عدم رضا بقضاء ربنا «وأبيضت عيناه من الحزن فهو كظيم».

• أهم حاجة تاني هي الدعاء وبس والصدقة.

7- من فضلكم تكثروا الدعاء وقت نزول القبر وتتصدقوا بأى حاجة بنية إن ربنا يجعل قبري روضة من رياض الجنة ويثبتني عند السؤال لأن ده أهم وقت ليا وياريت كمان بعد ما تدفنوني أقعدوا معايا شوية ومتستعجلوش تمشوا عشان تونسوني في ليلة زى دي.

8- الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوا على نفسكم بالدعاء ليا عشان أبقى في سعادة لحد ما أقابلكم تاني.

9- اللي بيحبوني يدعولي كتير عشان لو مفيش حد يدعيلي.

10- دى مهمة أوي.. عاوز الكل يسامحني على أي حاجه عملتها فيه بقصد أو بدون قصد.

واختتم تامر ضيائي وصيته قائلا: «اللهم إن كثر موت الفجأة من حولي وكثر موت الشباب غفلة، يارب إن كنت أنا القادم فأحسن خاتمتي ويسّر طلوع روحي وهوّن عليّ سكراتي فإني أحب أن أرحل في هدوء وسكينة وطمأنينه، ولا تقبض روحي إلا وأنت راضٍ عني لكي أكون عبدا مقبولا عندك حتي أليق بلقائك العظيم وإن كان لي من العمر باقي فأغفر لي ذنوبي ومعاصي نفسي الأمّارة بالسوء وأعفو عني وأمحو لي كل ما يعرقل طريقي إليك وردّني إليك ردًّا جميلًا يارب العالمين».

ويذكر أن تامر ضيائي إهتم بفن التمثيل إلى جانب عمله الرئيسيّ كمبرمج للحاسب الآلي في كلية الصيدلة بجامعة القاهرة فالتحق بورشة استوديو الممثل لكي يدرس التمثيل على يد المخرج خالد جلال.