أنغام عن سر فشل زيجاتها لم أكن حذرة ومنحت بعضهم أكثر من قيمته
كتب .. سامى راغب العمده
تحدثت الفنانة انغام لأول مرة عن أسرار فشل زيجاتها دون التطرق بالاسم لأي من أزواجها السابقين وحذرت في البداية من خطورة حرمان الفتاة من حنان والدها لأنها ستبحث عن التعويض عند الشخص الخطأ واعترفت بأنها منحت بعض من تزوجتهم قيمة أكبر من حجمهم الحقيقي وتناست بنفس الوقت قيمتها الحقيقية وأضافت أنغام خلال لقائها مع الإعلامي الإماراتي أنس بوخش مريت بفترة نسيت قيمتي وكم أنا مهمة في الدنيا أحيانًا مقاومتي بتضعف من كتر ما بقاوم وبحاول طول الوقت أعافر ومش عايزة اتهد لكن اوقات الواحد مننا بيبقى عايز يسيب نفسه يتهد ويستسلم لشعور الإجهاد وتابعت أنغام البنت لازم تشبع حب من أبوها علشان ما تروحش ضعيفة لأي شخص وتبحث عن الأب في شخص غير والدها وتحدثت مباشرة عن زيجاتها قائلة أنا اتجوزت أكتر من مرة وأي جوازة اتجوزتها ما كنتش غير أنغام وعملت اللي أقدر عليه ومش هقول أنا اللي غلطانة لكن هما ادعوا شخصيات غير اللي انتهينا بيها وده كان سبب فشل الزواج وطلاقى وتابعت بعد كل طلاق اكتشفت إن بعطي اللي قدامي حق هو ما يستحقهوش وبحاول اكبره جنبي وده مش صح لإنه مش بيعجب وبعد كده بينقلب علي وبعترف إني ما كنتش حذرة في حاجات كتير ومهم جدا اكون عندي حذر مع أي شخص بتعامل معاه بس خلاص مش هحب ولا اتجوز وعدم الحب قرار ومبقاش فيا حمل أذية خالص اني اتزوج تانى وقالت أنغام أعطي للجانب الشخصي في الفترة الحالية 5 درجات من 10 ودايما بطلب من ربنا يشرح صدري أنا بحب أكون أم في الأول وبعتبر نفسي شخص موهوب من عند ربنا ومجتهدة وطموحة
