كتب – ضياء سعيد “الشناوي”
أعلن الفنان إيساف خطوبته رسميًا على فتاة من خارج الوسط الفني.
وعبر حسابه على “إنستجرام”، نشر إيساف صورة تجمعه بخطيبته دون الكشف عن هويتها وعلق على الصورة، “تمت الخطوبة بحمد الله وربنا يبارك لينا جميعا، اللهم اجعل حياتنا سعيدة برضاك و كرمك وسترك علينا وقدرني واجعلني اكون قد الأمانة المباركة دي، انتي غير كل الناس”.
وكان إيساف قد كشف عن علاقته العاطفية التي يعيشها مع خطيبته من خلال لقائه مع برنامج “نص الكلام” على قناة “النهار” قال المطرب إيساف إنه رجل شرقي الطباع وربما هذا سببًا في تأخر زواجه.
وأضاف إيساف أنه يريد صفات محددة في شريكة حياته وأولها الثقة وهو ما يتوافر في شريكته الحالية وقال “أنا مرتبط دلوقتي، ولما اتقابلنا قولت لو في بينا عدم ثقة يبقى مش هنكمل، أنا وصلت لمرحلة دلوقتي صعب أوي إني ارتبط بـ واحدة في بينا علامات استفهام”.
وتابع إيساف “من خلال كل تجاربي وصلت إن العلاقات رزق، وكرم من عند ربنا أو غضب من عند ربنا، كنت دايمًا بحلم إن يتفق قلبي مع عقلي، كان دايمًا فيه صراع، ودلوقتي اتفقوا في علاقتي الحالية”.
وأضاف ” أنا بحب الشكل الحلو ويكون دمها خفيف أنا اتعرفت عليها بالصدفة البحتة، هي كانت عايزة تشتغل في مجال الإعلام وكلمتني بخصوص البرامج، واتقابلنا وقولت يا رب يطلع شخصيتها زي شكلها، هي واضحة وحقيقية زيي”.
واستطرد إيساف ” اللي عاجبني فيها انها معندهاش أي حسابات على مواقع التواصل ولا بتنزل صورها أنا مش بعيب في حد، ولكن دي حاجة أنا بفضلها في شريكة حياتي”.
يشار إلى أن آخر أعمال ايساف كان طرحه دويتو مع آية خفاجة بعنوان “إحساس الروح” عبر “يوتيوب “من كلمات أحمد عرفان، ومن ألحان محمد أنيس، ومن توزيع أحمد أمين.
