الفنانة كارولين عزمى تتعرض للتحرش عملى حركات بإيده انا عايزة حقى يرجعلى
كتب .. سامى راغب العمده
أعلنت الفنانة كارولين عزمي أنها تعرضت للتحرش وتطالب بحقها حيث رصدت الفنانة الشابة كارولين عزمي واقعة التحرش بها بفيديو قصير عبر السوشيال ميديا وذلك اثناء ركوبها سيارتها في الشارع، لتنشرها وتطلب حقها فيما حدث بها وقالت كارولين عزمي إنها كانت في سيارتها وحدث لها تحرش من شخص بسيارته مشيرة إلى أنها عندما حاولت تفاديه قام بتوجيه السباب والشتائم لها وأضافت كارولين عبر انستجرام أنا اللى يعرفنى أو متابعنى عارف انى شخص مالوش في المشاكل ولا عمرى شاركت مشكله تخصنى سوشيال ميديا ويذكر أن باختصار انهارده كنت في عربيتي وجنبي عربيه فيها واحد كسر عليا كل اللى عملتو انى بصتله وبصيت قدامى ف لقيته بيكرر نفس الحركة تانى بأستظراف روحت طلعت الموبايل وعملت نفسي بصور عشان اخوفه واخليه يبطل يضايقنى اتفجأت وهو بيقولى بتصوريني يا بنت الـ. سعتها اتخضيت وبدأت اصور بجد وانتو هتشوفو في الفيديو الحركات اللي بي أيدو والشتائم وتابعت بدأ يقولى تعالى ورايا والحقيقة انى مش عارفه اروح واره فين أو كان عايز يعمل ايه ولانى اتوترت وخوفت ساعتها مقدرش اصور ١٪ من اللى عمله الشخص دا انا اتشمت واتنهت واتشمت بأهلى بأقذر الشتايم انهارده من حد معرفوش ولا عملتله حاجة ولا فتحت بوقى لمجرد انه شخص مريض اكيد الشخص دا أذى بنات كتير لانه تقريبا متعود على الحركات دى ومتعود يخوفهم ومش همه حتى انه يتصور ويتفضح، انا عايزه حقى يرجعلى
