تامر حبيب أنا اتبهدلت بسبب فيلم تيمور وشفيقة اتمسح بكرامتى الأرض من ستات مصر
كتب .. سامى راغب العمده
استعاد السيناريست تامر حبيب ذكرياته مع فيلم تيمور وشفيقة والانتقادات التي وجهت له من السيدات بسبب قصة الفيلم ونهايته وحكى تامر حبيب خلال لقائه في برنامج التوليفة” مع الكاتب أحمد مراد عبر إذاعة ونجوم FM أنا اتهنت إهانة اتمسح بكرامتي الأرض من ستات مصر اللي شايلين قضية حرة أنا لكن في ستات كانت تقولي هاتلي بس تيمورالحمش اللي يخلي باله مني وأنا أقعد في البيت منزلش منه وتابع تامر حبيب أنا كنت كاتب نموذج من أصحابنا الراجل الحمش اللي بيفضل يقول متعمليش كذا وهما بيبقوا فرحانين شفيقة كانت بترد وبتعمل اللي هي عايزاه في الآخر بس لما جت فكرة أنها سابت الوزارة والله العظيم أنا لو أعرف أن دا هيحسوا بالمهانة أو هيتفهم من وراه إني عايز أرجع عصر سي السيد هغير النهاية أنا مش عايز أكون الراجل اللي بيدعوا أن الست تتخلى عن أحلامها عشان خاطر حد بس الفيلم خلص بخناقة مش أنها بتتخلى عن حاجة واختتم تامر حبيب كلامه كان دايما بيتعمل مقارنة مع فيلم مراتي مدير عام لكن الفكرة أن فيلم مراتي مدير عام أحداثه كلها كانت بتدور في شركة لكن في تيمو وشفيقة أنا كنت بتكلم عن الحب البريء بين الجيران يذكر أن فيلم تيمور وشفيقة تم عرضه عام 2007 وشارك في بطولته كل من منى زكي ورجاء الجداوي وهالة فاخر ومن تأليف تامر حبيب وإخراج خالد مرعي وتدور أحداثه حول قصة حب تيمور وشفيقة التي بدأت منذ الطفولة ولكن غيرة تيمور وتحكمه في حياة شفيقة تفسد الأمر لحين وقوعها في مشكلة كبيرة فتستجيب لطلباته وتترك عملها ليتزوجا في النهاية
