حسين فهمى يكشف لأول مرة سر رفض إخراج فيلم لـ فاتن حمامة فى عز نجوميتها
كتب .. سامى راغب العمده
خلال ندوته في مهرجان الغرقة لسينما الشباب في دورته الأولى تحدث الفنان حسين فهمي عن مشواره الفني وعن ترشيح المنتج رمسيس نجيب له لإخراج فيلم للفنانة الراحلة فاتن حمامة وأسباب رفضه ذلك الترشيح وقال حسين اتفرجت على السينما المصرية وأنا صغير وانبهرت بعالم الفن وعالم السينما وكان أملي وحلمي أكون في عالم الخيال ده وانبهرت بالسينما وكان وقتها عندي عشر سنين وَأضاف قررت إني عايز أكون مخرج لأن المخرج هو السبب في الانبهار اللي بيكون في الفيلم وأهلي وقتها رفضوا لأنهم كلهم في البرلمان والقضاء وقدمت في كلية حقوق وسحبت ورقي منها وقدمت في معهد فنون مسرحية وعن رد فعل أهله عندما قدم في معهد الفنون المسرحية قال أمي لما عرفت تعبت في السرير وأبويا خاصمني وأنا كنت متمسك بدخولي للمعهد وبعدها بدأ المخرجين يكلموني في البيت فوالدي يرد يقول مين يقوله أنا صلاح أبو سيف أنا يوسف شاهين أبويا بدأ ينبهر باللي بيحصل وأوضح حسين فهمي قعدت عشر سنين أدرس كل حاجة والفنان لازم يدرس ويقرأ كل حاجة ولغاية دلوقتي بروح مكتبات وبشوف كتب وبحضر حفلات موسيقية والسينما عالم كبير جدًا ولازم تعرف كل حاجة فيه ولازم كل شاب يدرس فلسفة ويعرف إيه هي فلسفة الحياة والوجود واختتم حسين فهمي حديثه رمسيس نجيب أول ما رجعت من أمريكا قالي اخرج فيلم لفاتن حمامة واعتذرت لأني مش هعمل فيلم النجمة تقولي فيه أحط الكاميرا فين وفاتن حمامة استغربت جدًا وقتها
