شيرين عبد الوهاب: أنا غلطت في حق نفسي وحسبي الله ونعم الوكيل في الرجالة

كتب-روان حمدي

كشفت الفنانة “شيرين عبد الوهاب” تفاصيل عن علاقتها بزوجها السابق، الفنان “حسام حبيب” خلال تصريح خاص لها.

حيث وجهت “عبد الوهاب” في البداية شكر للإعلامية “لميس الحديدي“، والفنانة “ياسمين عبد العزيز“، وأيضا للفنانة “منة شلبي“، وذلك لوقوفهم بجانبها في مِحنتها، ووجهت اعتذار للجمهور، قائلة: “البلد أكيد فيها مشاكل وحاجات أهم مننا وأنا حاسة أن موضوعي بقى بايخ، بس بما إن الناس شاهدة على موضوعي ده من الأول، فأنا عاوزة ابدأ كلامي بإني اتأسف واستغفر ربنا على الكذب اللي كذبته عشان اطلع صورة إنسان كويسة”.

وأكملت “شيرين“: ” أنا كذبت مع إن دي أكتر حاجة مبحبهاش، وربنا مبيحبش الكذب، وأنا كذبت عشان أنا بنت أصول، وعشان أرفع إنسان وأنا بصراحة نفسي يتجوز ويبعد عني”.

وأيضًا صرحت “شيرين”: “بناتي مكنوش بيعرفوا يقعدوا معايا ده لأن ظروفي كانت صعبة، وكنت عايشة مع زوج مبيشتغلش تقريبًا، وكنت محبوسة 24 ساعة مبعملش حاجة قاعدة وبس، وأنا غلطت في حق نفسي، في حق شيرين عبد الوهاب”.

وأضافت: “حسبي الله ونعم الوكيل في كل إنسان معاه ست مُخلصة ويعمل فيها كدة، منهم لله الرجالة دي، إحنا ستات، ده النبي وصاهم بالقوارير، وربنا كرمنا ورحمنا عشان خاطر الرجالة يجوا يعملوا فينا كدة؟، أنا اتظلمت والله، وظلمت نفسي جدًا، والنبي كل اللي بيحبوني يحسبنوا عليه، إن شاء الله مش هيعدي عليه الأسبوع ده”.