علي باب المسجد

علي باب المسجد
عديت على المسجد قولت اصلي ركعتين
قال المؤذن علي فين ياحاج احنا قفلين جمعتين
جره ايه ياسيدنا مش عايزين مصلين
لايا حاج البلد صابها المرض اللعين وخايفين على المصلين
من تجمع الناس ونقل العدوه ليهم اجمعين
أصلهم مش عارفين أن ده سببه ابتعاد الناس عن الدين
والله ياحاج الخمس صلاوات زعلانين من المصلين
الفجر مش بيصليه غير خمسه سته من المسنين
والضحي سنه اتهجرت من سنين
والظهر طبعا انت سيد العارفين الناس في أعمالهم مشغولين بيصليه مع المؤذن واحد او اتنين
والعصر الصلاة الوسطي كلهم في الموصلات مشغولين
والمغرب غريب بيضيع من كتير وتلاقي الاطفال اكتر المصلين
والعشاء الكل مجتمعين في الافراح ناسيين يدوب يقفلو الموسيقي لما الاذان يخلص والكل سهرانين والشباب علي النواصي متسكعين
وقيام الليل ملوش مكان بين المسلمين إلا من رحم ربي
وجاي دلوقتي يا تسأل ليه قفلين .صلو في بيوتكم
لحد ما يرضي عنكم ربكم ويردكم لبيوته بس ياريت نكون متعظين
الموضوع مش فيروس كورونا ولا مرض لاعين
احنا اللي عن ربنا مبتعدين ارجعو الي ربكم انه هو الغفور الرحيم.
… أحمد سالم 2020/3/24