فن

شيرين عبدالوهاب تعلن عودتها لحسام حبيب

كتب – زينب غازي

أعلنت الفنانة شيرين عبد الوهاب عن مفاجأة  لجمهورها بعقد قرانها على حسام حبيب، بعد مرور 3 أشهر من انفصالهما.

وقالت شيرين في مداخلة هاتفية مع الإعلامي ،عمرو أديب، في برنامج الحكاية، عودتها للفنان حسام حبيب، حيث تم عقد قرانهم من جديد  وعودتهم للعيش معا.

و أضافت :”أنا بعتذر لحسام عن الكلام اللي صدر مني في يوم من الأيام، وأنا النهارده عايزة أقفل صفحة حياتي مع الناس لأني كنت السبب في فتح الصفحة دي للناس وخليتهم انشغلوا بي وسط مشاكلهم، أنا في عصمة راجل طيب جدا وحبيبي من البداية ولو قلت كلام ضايقه فدا شيطان بيحصل بين أي زوجين”.

واستمرت: “أنا زي البمب وحلوة خالص فيه حد يبقى بيحبه ناس كتير وشعوب بتقوم وتقعد في وسط مشاكلهم فاكرني، أنا سعيدة بيكم وبتدفى بيكم، وأنا كويسة ولسه بخضع لعلاجي النفسي اللي بخضع له منذ إنجابي بناتي”.

وتابعت الفنانة: “ما بقيتش محتاجة لعلاج ولا أدوية بعد خروجي من المستشفى”.

وواصلت الفنانة شيرين :”أنا ممتنة جدا للناس وبقول لهم انتوا تعبتوا في وعلشاني وعمري ما هخذلكم أبدا وأنا ممتنة لحبهم لي وبشكر اللي قال كلمة حلوة أو وحشة في حقي لأن كل ده نابع من حبهم لي”.

واستكملت: “أيامي في المستشفى كانت صعبة لأني اتخدت على خوانة، وتاني يوم صحيت في المستشفى قلت انا قاعدة في مكان أمين وكل الناس اللى فيه بتحبني وخايفين على وباكل أحسن أكل وأحسن نومة فإيه المشكلة ارتاح ليا يومين، وبقيت أحسن والناس كانوا مدلعني”.

وتابعت: “أشكر صحافة بلدي والوطن العربي والأقلام اللي كتبت حلو واللي جرحت، وأي قضية بيني وبين أخويا هشيلها وهتنازل عليها لأني شيرين اللي قلبها متسامح وأنا بخف أكتر لما بسامح كل الناس، ومش هرضى إن ممكن أمي تبات يوم واحد تنام باكية على مخدتها على أخويا، والحمد لله على اللي حصل لي”.

وأردفت  شيرين عبد الوهاب: “سامحوني وأمور بيتي دي مش هتطلع تاني في العلن، وحسام حبيب خدني في حموتها وأقنعني بعقد القران’ وبعد عقد قراني عايزة أقول للناس ادعوا لي علشان أنا مقدرش أعيش من غير دعواتكم”.

بوابة مصر

جريدة بوابة مصر الأخبارية | أخبار يومية | تقارير أسبوعية | كل ما يخص المواطن المصري والعربي.

مقالات ذات صلة