غادة عبد الرازق أنا عندى 53 سنة ومبعرفش أكون لئيمة تتحدث عن أقسى خيانة تعرضت لها من صديقتها
كتب .. سامى راغب العمده
روت الفنانة غاده عبدالرازق تفاصيل تعرضها للخيانة من صديقتها مؤكدة أن عاطفتها تقودها كما أنها لا تمتلك أصدقاء بالوقت الحالى وقالت غادة عبد الرازق في تصريحات إذاعية أنا عاطفية جدًا ودمعتي قريبة وقوتي إني لما اتهزم أقف تاني ولكن قوتي مش في إني مؤذية أو شريرة أنا مش عارفة أبقى لئيمة وتابعت غادة عبد الرازق عارفة يعني إيه يبقى عندي 53 سنة ومعنديش أصحاب كان عندي صاحبتي خسرتها من 25 سنة وقاطعتها 6 سنين علشان اتكلمت عليا ومن سنة عملت نفس العملة تاني وسمعتها ومتسجل ليها ليه أنا عملت فيها إيه ولا خربت بيتها ولا خدت جوزها دي لو كانت طلبت عنيا كنت اديتهالها قعدت أقول استغفر الله العظيم ربنا مبيديش كل حاجة خلاص أنتي مالكيش رزق ولا في أصدقاء ولا في حياة عاطفية أنا خلاص أٌنهكت كما كشفت غادة عبد الرازق كواليس مشهد البصق في مسلسل حدث بالفعل قائلة سلمى أبو ضيف مكنتش راضية تتف عليا في مسلسل حدث بالفعل قولتلها أنتي بتفي على الشخصية مش غادة عبد الرازق وإوعي تفتكري إني من النجوم اللي بيقولوا أنا متضربش خليني أعلى معاكي علشان يبقى ليا رد فعل وشديت شعرها وده مكنش مكتوب وده التمثيل الحقيقى وتابعت سلمى أبو ضيف ذكية جدًا وبتحب التمثيل وبتعمل مجهود رهيب وبتسمعني كويس أوي وأنا بصراحة مسبتهمش لأن أنا معنديش عوامل في المسلسل ده غير هي وابني فكان لازم ميكونش في هفوة ونعيد مرة واتنين وتلاتة وتقول أحسن من كده والولاد كانوا بيقطعوا نفسهم في الدور ولكن الكواليس كانت ضحك
