مؤسس “أمهات مصر”: قلق وترقب داخل أسر طلاب الثانوية العامة قبل إعلان النتيجة بساعات
كتب_زينب غازي
“بتطمنوا ولادكم ازاي الفترة دي.. واية احساسكم قبل ظهور نتيجة الثانوية العامة؟، بهذه الكلمة وجهت عبير أحمد مؤسس إتحاد أمهات مصر للنهوض بالتعليم، وإئتلاف أولياء الأمور، حديثها لأولياء أمور طلاب الثانوية العامة قبل ظهور النتيجة بساعات.
وقالت عبير أحمد، إن الثانوية العامة مرحلة من مراحل التعليم ما قبل الجامعي، وعلي أولياء الأمور عدم الضغط علي أبنائهم وتخفيف الرهبة والتوتر الذي يتعرض له الطالب وولي الأمر، وبالتالي يجب يجب عليهم تطمينهم وترك الأمر لله، وكل طالب يختار الكلية التي تناسب ميوله وقدراته ومواهبه.
وتفاعل العشرات من أولياء أمور طلاب الثانوية العامة، علي جروب إتحاد أمهات مصر للنهوض بالتعليم، وإئتلاف أولياء الأمور، حيث قالت ولي أمر: “بقول لبنتي انتي عندي أهم من أي حاجه وربنا يجبر خاطرنا يارب”.
وأضافت ولي أمر أخري: “بصراحة محتاجه حد يطمني قبل ابني، أعصابي ونفسيتي تعبانه جدا والمواعيد اللي بتتغير بتتعبنا أكتر، الله يفرح قلوبنا جميعا ويطمنا”، واستكملت ولي أمر أخري: “قولنالها ضفرك بالدنيا كلها”، وذكرت أخري: “أنا بذكر الله والله، ربنا يفرحنا بيهم”.
وقالت ولي أمر: “قلق رهيب، ربنا يطمن قلوبنا وقلوب ولادنا، معندناش غير الدعاء ربنا يتقبل منا لكل ولادنا يارب”، وتابعت أخري: “بقولها اختيارات ربنا خير وهتكون أحسن من اللى بتتمنيه، وإننا راضيين الحمد لله، ولو أن اعصابى أنا ربنا أعلم بيها، ربنا يجبر خاطرهم وخاطرنا ويعوضهم خير يارب”.
“بدعيله دايما وبقوله سيبها علي ربنا، كل اللى يجيبه ربنا فضل وخير، وربنا يسترها يارب ويجبر بخاطرهم كلهم”، تضيف ولي أمر أخري: “بقولها إن ربنا هيكرمها ويجبر بخاطرنا وهي أهم حاجه عندي وربنا يفرح قلوبنا جميعا”، واستطردت أخري: “والله أنا اللي محتاجه اللي يطمني أنا وهي”.
