مؤسس “أمهات مصر” لأولياء الأمور تعليقا علي الرقص في حفلات التخرج: “دعونا نبدأ بأنفسنا ونلزم أبنائنا علي احترام التقاليد الجامعية”
كتب_زينب غازي
“اكيد كلكم تابعتم وقائع الرقص في حفلات التخرج ببعض الجامعات.. فين دور أولياء الأمور تجاه أبنائهم؟ وايه النصيحة اللي توجهوها لأبنائكم؟”، بهذه الكلمات طرحت عبير أحمد، مؤسس إتحاد أمهات مصر للنهوض بالتعليم، وإئتلاف أولياء الأمور، موضوع الرقص في بعض حفلات التخرج الذي أثار استياء وغضب الكثير، علي أولياء الأمور.
وقالت عبير، في تصريحات صحفية، إن أولياء الأمور عليها الدور الكبير مثل الدور الذي يقع علي أعضاء هيئة التدريس في الجامعات والمعاهد، مستطرده: “دعونا نبدأ بأنفسنا كأولياء أمور، وأن نشجع أبنائنا علي احترام التقاليد والأعراف الجامعية، ومن يريد أن يفرح ويرقص فيكون ذلك في مكان مناسب خارج أسوار الجامعة”.
وتفاعل العديد من أولياء الأمور علي جروب إتحاد أمهات مصر للنهوض بالتعليم، وإئتلافماينفعش طبعا فين وقار حرم العلم فين النجاح ده كله دي جي وزغاريد ورقص نفرح اه بس مش بالاسلوب ده أولياء الأمور، في الفيسبوك، حيث قالت ولي أمر: “بصى يعنى كل واحد يفرح بالطريقة اللى تعجبه دى حرية شخصية،
لكن أنا عن نفسى أرفض طبعا بنتى وهى بتتخرج ترقص، احنا كبرنا نتنطط من الفرحة زى يوم نتيجة الثانوية كده”.
وأضافت ولي أمر: “قلة احترام الحقيقة وبستغرب إن الأساتذة الواقفين قابلين ده وواقفين بيتفرجوا عادي، كلمة من أي حد فيهم ممكن يوقف المهزله اللي بتحصل ادامهم”، وتابعت ولي أمر أخري: “حفل تخرج بنتي كان فيه فرقة استعراضية، لكن لم يكن هناك هذا الاسفاف اللي شفناه واللي أظن إنه مش ظاهرة وإنه حدث فردي أو دا ما اتمناه”.
“مش كل الجامعات الحمد لله، حفلة تخرج ابني كانت البنات والأولاد قمه الاحترام والتنظيم كان يشرف بجد”، تستكمل ولي أمر أخري: “المشكلة بيقولوا علي الناس كارهى الفرحه، افرح في البيت أو اجر قاعة مش ترقصوا في الكلية والمصيبه الدكاتره والعمداء وقفين”.
وقالت ولي أمر: “ماينفعش طبعا، فين وقار حرم العلم، فين النجاح ده كله، دي جي وزغاريد ورقص، نفرح اه بس مش بالاسلوب ده”.
يأتي ذلك في إطار الدور التربوي والتوعوي لاتحاد أمهات مصر وإئتلاف أولياء الأمور، برئاسة عبير أحمد، علي مدار السنوات الماضية وحتي الآن، تجاه أولياء الأمور والطلاب، في كافة القضايا والموضوعات.
