محمد سامى يعلن اعتزاله الإخراج التليفزيونى ويقرر السفر للدراسة خايف من تشبع الجمهور من أسلوبى والوقوع فى فخ التكرار
كتب .. سامى راغب العمده
أعلن المخرج محمد سامي اعتزاله الإخراج التليفزيوني ليبدأ مرحلة جديدة في حياته لم يكشف عنها بعد كتب المخرج محمد سامي عبر حسابه بموقع فيس بوك بيانا يعلن فيه اعتزاله وأعلن عن سفره للخارج لمدة عامين لدراسة جاء فيه وداعا الدراما التلفزيونية السنه دي كانت آخر أعمالي التلفزيونية واللي فيها بودع المسلسلات رحلة طويلة حولي ١٥ سنة قدمت فيهم كل اللي قدرت عليه لإسعاد الجمهور العربي وحققت بفضل ربنا نجاحات مع نجوم كتير و مع شركات و قنوات كلها مهمة و كان دايما الجمهور بيشجعني سواء بردود الأفعال أو بتصويته ليا في الجوائز و أي نجاح حققته كان بفضل ربنا و الجمهور وتابع محمد سامي يمكن المقربين ليا عارفين إني واخد القرار ده من فترة وهو إعتزال الإخراج التلفزيوني و لكن كنت بنتهي من إلتزامات موقعة مع شركات و نجوم و الحمد لله إنتهيت منها وكان أخرها ٢٠٢٥ معنديش حاجة أكتر أقدر أقدمها في التلفزيون وخايف من تشبع الجمهور من أسلوبي و من الوقوع في فخ التكرار و دائرة المتوقع والملل والوحيد القادر علي الدوام هو الله وحده الحمد لله أخر عملين ليا إش إش وسيد الناس حققوا نجاح أنا سعيد بيه
