كتب- هبة القاضي
رد النجم الكوميدي محمد هنيدي على تحية المطرب بهاء سلطان له، وطالبه بتعويض سنوات غيابه الطويلة عن عالم الغناء، مؤكدا أنه علامة من علامات مصر وصوت وموهبة.
هنيدي وبهاء خطفا الأنظار على مدار الأيام الماضية، بعدما أطلق بهاء بوستر أحدث أغنياته “دلوقتي عجبناكو” وظهر فيه بإطلالة مثيرة للجدل، وكالعادة لم يفوت هنيدي فرصة الدعابة، وقام بتعديل الصورة لوضع وجهه بدلا من وجه سلطان.
وعلق عليها هنيدي عبر حسابه على موقع الفيس بوك قائلا: الصورة بدون فلاتر أو أي تعديل. بس ياريت متقلدنيش تاني يا بهاء. واخد كل تفصيلة. مبروك على الألبوم الجديد.
وعلق بهاء سلطان على صورة هنيدي قائلا: “بشكره، والمصحف على راسي، والله العظيم على راسي يا أستاذ محمد وحياة ربنا، ربنا يخلي حضرتك، أنا ليا الشرف والله، أنا مبسوط إن الحاجات دي وصلتله”.
ورد هنيدي على تصريح بهاء سلطان عبر حسابه بموقع الفيس بوك قائلا: “يا بهاء يا حبيبي إحنا اللي لينا الشرف.. أنت علامة من علامات مصر وصوت وموهبة وأداء ما فيش زيه ومحبة حطها ربنا في قلوب الناس ليك سواء صغير أو كبير”.
وأضاف هنيدي: “وإن شاء الله الكام سنة اللي اتحرمنا فيهم منك عايزينك تعوضهم لينا وتكسر الدنيا أكتر وأكتر”.
