مرتضى منصور: “اتوبيس الأهلي عمل جناية ورفضت سير الزمالك عكسي”
كتب : سيد ابوً كبشة
رد مرتضى منصور، رئيس نادي الزمالك، على قرار اتحاد الكرة باعتبار الفريق الأبيض خاسرا أمام الأهلي وخصم ثلاثة نقاط أخرين منه واعتباره منسحبا من مباراة القمة التي كان مقرر لها يوم الأثنين الماضي
وتسائل مرتضى منصور في تصريحات بقناة الزمالك: “هو انت عملت تحقيق وسألتني ما وصلتش الملعب ليه، افرض الاتوبيس كان دخل في عمود نور والعيال حصل لها حاجة، قبل ما تسأل مصير الاتوبيس بتعاقبني، انت بتعبث بأمن البلد وبتلعب بالنار”.
تابع رئيس الزمالك حديثه عن قرار الجبلاية: “انت أجلت 3 مباريات في اليوم ده لاندية بتلعب في الدرجة التانية؟، واللايحة بتقول الماتش 7 ونص والأهلي وصل 7 وربع، والأهلي وصل عكس الطريق وخالف وارتكب جناية وكان ممكن يموت حد، وانا مش مخالف ومش هعمل كده وهامشي عكسي”.
واصل: “اللايحة تلت ساعة ولو مجاش الفريق يعتبر منسحب، وحضرتك اديت ساعة ليه ومين اللي كلم الحكم في التليفون، هو احنا بنلعب على قهوة؟، ماتش السنغال احنا روحنا وهما ما راحوش والحكم كان موجود، طب الماتش اتعاد ليه؟، واللي حصل تصفية حسابات”.
