منة عرفة: محدش في الحياة يجبرني ابعد عن جوزي والقرار ف الآخر ليا انا
كتب-روان حمدي
نفت الفنانة “منة عرفة“، إشاعة تلقيها مكالمة كانت السبب في انفصالها عن “محمود المهدي“، وقالت: “محدش في الحياة يجبرني إني أبعد عن جوزي، ولا يخليني معاه، ولكن أثناء المشاكل كان بيجيلي مكالمات بالنصيحة على الناحيتين بالانفصال أو البقاء، ولكن القرار في الأول والآخر ليا انا”.
وصرحت “عرفة” خلال حوارها ببرنامج “ضرب نار“، أنها تعلمت مع أزمتها أمور تساعدها في النجاح بعملها وأولها عدم الإفصاح عن حياتها الشخصية، وقالت: “عشان انجح في شغلي لازم في شوية حاجات تحصل والحاجات دي لو محصلتش هتعثر شوية، بس اللي مؤمنة به أن مفيش حد بيوقف رزق حد”.
وأضافت “منة عرفة“: “من ضمن الحاجات اللي عشان انجح، متكلمش عن حياتي الشخصية، وأن الناس متبقاش عارفة عني كل حاجة، وأكون بعيدة عن الناس فيكونوا مشتاقين ليا، واشتغل على نفسي أكتر في التمثيل، الناس بتميل أكتر للحاجات الغامضة في حياة الفنان، وعشان اكون ناجحة مينفعش أقدم لهم غير الفن بس”.
