منة فضالى تكشف تفاصيل تعرضها للعنف الزوجى

كتب .. سامى راغب العمده

كشفت الفنانة منة فضالي تفاصيل تعرضها للعنف الزوجي مشيرة إلى أنها اتخذت في النهاية قرار الانفصال وقالت منة فضالي مش هنقول عنف زوجي ولكن مرة زمان مد إيده عليا ودي كانت صدمة انفصالي وأنا بشوف الراجل اللي بيمد إيده على الست متخلف ولو الموقف ده أتكرر دلوقتي كان هياخد القلم ده ثلاثة أو أربعة أكتر حاجة بكرهها إن حد يمد إيده على وشي وأشارت إلى أن والدتها لم تكن موافقة على هذا الزواج إلا أنها قررت أن تحداها قائلة الزواج كان تحدي لأن أمي مكانتش موافقة وأنا كنت واخداه عِند ولكن البنات بتفهم المشاعر أكتر ومش كل اللي بنحس بيه بجد والحب بييجي في سن معينة وأنا ضد اللي بيتجوزوا بدري وببقى واثقة إن علاقتهم هتفشل ورفضت منة فضالي أن تكون زوجة ثانية قائلة مينفعش أبدًا أبقى زوجة تانية أنا معنديش حاجة ناقصة علشان تخليني أبقى زوجة تانية ممكن أكون زوجة تانية لو هو مُطلق أو مراته متوفاة ووجهت نصيحة للسيدات قائلة نصيحتي للستات متتجوزيش راجل أكبر منك ولا البخيل وعن تجربة إنتي مش مجبرة تشتغلي أو تأكلي أو تضحكي علشان ترضي حد أهم سلاح للست أنها متحسش نفسها قليلة والثقة والاعتزاز بالذات وفي ستات ناجحة أكتر من الرجالة