ميار الببلاوى تفتح النار وفاء مكى لم تكن بريئة ولا ليها علاقة بالبراءة فى قضية تعذيب الخادمتين
كتب .. سامى راغب العمده
علقت الفنانة ميار الببلاوي على أزمة الفنانة وفاء مكي وما أثير بشأن كتمانها للشهادة في تبرئتها في قضية تعذيب الخادمتين وقالت الببلاوي في حوارها مع الإعلامية بسمة وهبة مقدمة برنامج العرافة لم أكتم الشهادة لمدة 23 سنة مكتمتش حاجة خالص في فرق بين إني أكتم وإني أكون مش فاهمة وتابعت الفنانة ميار الببلاوى منذ 23 سنة لم أكن كبيرة بشكل كافٍ ومكنش في ايدي أي حاجة ولا كنت ملك نفسي ولا كنت موجودة في مصر ولا كنت أقدر أوصلها وكان في تضارب في الأقوال مكنتش فاهماها وساعتها كنت فاهمة غلط إنها بريئة قالت الفنانة ميار الببلاوي إنّ الفنانة وفاء مكي لم تكن بريئة في قضية تعذيب الخادمتين مؤكدةً ملهاش أي علاقة بالبراءة لترد بسمة وهبة هند عاكف أقسمت بالله إنك كلمتيها وكنتي بتبكي بحرقة وقلتِ لها إن عندك دليل على برائتها وأضافت الببلاوي أنا معيطتش مع هند عاكف لكن وفاء مكي قالت إنها مش لاقية تأكل ابنها وبتستغيث عشان مش لاقية تاكل فقلت يا جماعة سيبوها في حالتها وحول موقفها من القضية قالت ميار الببلاوى في واحدة جابت لي شغالتين وكنت نازلة بسرعة رايحة فرح وكنت محتاجة لهم جدا عشان ابني كان رضيع ولقيت واحدة منهم ميتانة على نفسها والتانية واقفة متضايقة طلبت إني آخد واحدة بس فاشترطت الست عليّ إنهم يكونوا مع بعض والتانية هرشت في شعرها عشان توضح لي إنه محلوق ولما سألت الست قالت لي إن وفاء مكي قالت إن عندها قراع وحلقت لها شعرها فرفضت الاستعانة بخدماتها وبالتالي فين دليل براءة وفاء مكى
