نهى العمروسي تثير الجدل بتصريحاتها عن الحجاب وانها غير مقتنعة بارتدائه
كتب_زينب غازي
استضاف برنامج “قعدة ستات” تقديم مروة صبري ويعرض على قناة “ألفا اليوم”، الفنانة نهى العمروسي.
وفاجأت الفنانة نهى العمروسي، جمهورها بتصريحاتها عن مدى اقتناعها بفرضية الحجاب في الإسلام.
وأثارت نهى العمروسي الجدل بتصريحاتها عن الحجاب وانها غير مقتنعة بارتدائه، وكونه أجندة من الخارج، إلى جانب علاقتها بنجوم ونجمات الوسط الفني، ومشاريعها الفنية خلال الفترة المقبلة، إلى جانب تفاصيل وأسرار تخص حياتها الشخصية كشفت عنها لأول مرة.
وعن الحجاب قالت: “الحجاب أجندة، الحجاب مش فرض، أديني آية بتقول إنه فرض، إيه اللي بيقول أن الشعر عورة، ومتكلمنيش في الدين وأنا مش متخصصة ممكن أقول حاجة غلط، يا جماعة ممكن أغلط لكن دي قناعاتي ولا عمري هتحجب لأني مش مقتنعة بيه خالص”.
وتحدثت نهى العمروسي عن الأديان قائلة: “أنا مابحبش التقسيم، أنا اتولدت مُسلمة كلنا بنتولد على دين أبهاتنا، لكن أنا مش عايزة أحس إني أحسن من المسيحي أو اليهودي أو البوذي أو الهندوسي، فكرة التقسيم دي بتعمل مشاكل بين الناس، اللي هو أنا أحسن منك، أنت دينك أي كلام، أنا بحب الوحدانية، يعني كلنا زي بعض ومش بحب التقسيم”.
وأضافت: “إحنا كلنا واحد، أتسائلت قبل كده أنا مُسلمة ولا مش مُسلمة، جاوبت: أنا مسَلّمة يعني مُسلمة”.
و يذكر أن نهى العمروسي ممثلة وكاتبة سيناريو مصرية، اتولدت فى مدينة القاهرة سنة 1963، اخدت درجة البكالوريوس من قسم السيناريو من المعهد العالى للسينما سنة 1990، لكن بالرغم من كده كرست نفسها اكتر للتمثيل بين السينما والتليفزيون، ومن أشهر أعمالها: (جزيرة الشيطان، شمس الزناتي، بيت القاصرات، العذراء والعقرب).
