مصر مش هتضرب سد النهضة
مصر مش هنضرب سد النهضة ؟؟ ايوة حضرتك مش هنضرب سد النهضة ومش هنيجي جنبه كمان ولا لينا دعوة بيه ؟؟ بس احنا مش مسئوليين عن سلامته اتهد ولا وقع ولا حد لعب في اساسه وخرمه من تحت او جماعة مسلحة فجرت بوابة حجز المياه و غرفة التوربينات احنا ملناش فيه ؟؟ محدش ساعتها يقول مصر … مصر ولا دخلت حرب ولا بعتت طيارات ولا حركت دبابات وعمال ألمح ليكم واقول هو عشان مصر وقعت اكبر سد مائي في التاريخ ” خط بارليف ” بخراطيم الماية يبقي احنا الي وقعنا السد ؟؟
هو ده الفخ الي عايزنا نقع فيه بعد توجيه ضربة عسكرية للسد
وانه لازم يبان السد انه وقع لوحده ساعتها تركيا واسرائيل وقطر مش هيقدروا يعملوا جلسة طارئة لمجلس الامن لمناقشة أعتداء مصر الغشيم علي مقدرات الشعب الاثيوبي الغلبان و يجب توقيع عقوبات علي مصر …
ساعتها مش هتقدر تروح اثيوبيا لمحكمة العدل الدولية بملف سد النهضة وتعرض عليهم اعتداء مصر الغاشم عليها مع توكيل لمكتب محاماه يهودي محترم زي الي غرمنا مليارات في قضية قطع الغاز عن اسرائيل وتطلب منك ساعتها تعويض ٥٠ مليار دولار ما هي فرصة بقي وساعتها بدل ما كانت هتعمل تنمية في قطاع الكهرباء تعمل تنمية في ابحاث الفضاء علي افاك يا معلم … اقولكم قطر وتركيا واعلام الخيانة عمالين يسخنوا ليل ونهار عشان تضغط علي قياداتك عشان تضرب السد و الجزيرة مصر منذ اعلان اثيوبيا لبدء المليء حتي الان قامت بكتابة ٤٢ بوست علي السوشيال ميديا بخصوص السد يعني مهتمين اكتر مننا شخصيا
.. اقولك تركيا قامت بسبعة زيارات رسمية لاثيوبيا خلال ٣ شهور وبعدها تطلع اثيوبيا تقل ادبها وتستفز فينا عشان نضرب السد ونقع في الحفرة وانتوا مش علي بالكم .. اقولك توسيعات وتطويرات للسد العالي لزيادة ستعه ورفع كفائته ب ١٤٤ مليون جنيها وتشغيل القناة الجانبية وتوسيعها المسئولة عن نقل المياه بعد ارتفاعها عن ١٧٧ متر الي مفيض توشكي وانتوا عاملين من بنها مع العلم انهم أجدع ناس
