أحمد سعد يعتدي بالضرب على شاب وشاهدة عيان تكشف التفاصيل
كتب .. سامى راغب العمده
انتشرت في الساعات الماضية أخبار تشير الى ان الفنان احمد سعد اعتدى بالضرب على شاب في محطة وقود وكشفت شاهدة عيان التفاصيل على صفحتها الخاص على أحد مواقع التواصل الاجتماعي في منشور روت فيه التفاصيل وكتبت النهاردة كنت في بنزينة إمارات مصر جنب داون تاون في القاهرة الجديدة وشُفت شاب صغير في العشرينات كان معدّي من ورا عربية BMW بيضة والعربية كانت بترجع بسرعة وكانت هاتخبط الولد فالولد كرد فعل طبيعي قاله خلي بالك وانت راجع يا حبيبي وتابعت اتضح إن اللي كان راكب العربية الفنان أحمد سعد راح عليه وقاله بتكلم مين كدة يلا فالولد رد عليه قاله يلا بكلمك إنت وطبعاً الكلام مجاش على هوا ولا على كرامة أحمد سعد اللي ضرب الولد بالقلم قدام أمه وأخته والناس كلها في البنزينة ووقعه عالأرض قدام عربيتي بالظبط وقطعله التيشيرت وكرد فعل طبيعي مني أنا وأختي حاولنا نوقفه بالكلام فردّ علينا بشتايم قذرة جدًا وابتسملنا ومشي بالعربية وختمت كلامها الموقف ده بينلي قد إيه إحنا بندي قيمة لأشخاص ماتستاهلش وبنسيبهم يعيشوا وسطينا عادي جدًا بعد وقت قصيرة عدلت الشابة المنشور وقالت ان الفنان أحمد سعد اعتذر الى الشاب بعد ضربه لكنها لن تتنازل عن حقها تحديث الشاب اللي البلطجي اعتدى عليه كلمنا وعرفنا منه إنه رجعله واعتذرله إنه ضربه والموضوع خلص بس بالنسبالي الموضوع ماخلصش وأنا بحكي موقف شُفته وتم التعرض عليا أنا واختي فيه بالشتيمة فالبوست هيفضل موجود لحد ما البلطجي ده ياخد عقابه
