منى زكي بابا حاول يفسد زواجي من أحمد حلمي
كتب .. سامى راغب العمده
كشفت الفنانة منى زكى عن موقف والدها لحظة عقد قرانها على النجم أحمد حلمى وفى حفل زفافها، مؤكدة أنه حاول أن يفسد الفرح بنفس طريقة النجم عادل إمام في فيلم عريس من جهة أمنية ولكنها استعانت بجدتها لإنقاذ الموقف كما تحدثت عن كواليس قصة الحب مع حلمي، والدروس المستفادة من تجربتها كسفيرة للنوايا الحسنة لليونيسيف منى فتحت خزانة أسرارها وذكرياتها في الحلقة الأولى من الموسم الجديد لبرنامج صاحبة السعادة مع النجمة إسعاد يونس وقالت عن ذكريات حفل زفافها أنا فاكرة يوم الفرح خالتى جايه ورا بابا وبتقوله لما توصل لأحمد إديله منى عادى ويوم كتب الكتاب الجوازة كانت هتبوظ وبابا اختلق قصة عشان كل حاجة تبوظ زى عادل إمام فى فيلم عريس من جهة أمنية وكلمت جدتى عشان تكلم بابا ويهدى الدنيا وأضافت منى زكى بعد الزواج أنا كنت بشوف أحمد بيتعلم من بابا وحماتى أنا من أول ما شوفتها وإحنا حبايب وبابا أحمد الله يرحمه كان زى العسل وأنا مكنتش مقررة ولا أتجوز ولا أخلف بس جبت بنتى لى لى وأنا عندى 24 سنة وجبت آخر أولادى وأنا عندى 40 سنة وأنا كبيرة طريقة التربية اتغيرت ودلوقتى عاوزه كل اللى أعمله أحبهم وأديهم حب واهتمام وأوقات ليها معنى
