حسام داغر يكشف عن موقف إنساني من الراحل هشام سليم تجاهه
كتب – ريم خالد
قام الفنان حسام داغر، بنعي الفنان هشام سليم الذي توفي منذ قليل، وذلك عن طريق نشر صورته عبر حسابه الشخصي بموقع التواصل الاجتماعي “فيسبوك“، وعلق عليه قائلًا، “رحل الجميل الطيب الجدع الحنين ابن الناس، النضاف بيمشوا واحد ورا التانى، لما شالولي مشاهد ليا في فيلم كلام في الحب وكان أول فيلم أشارك فيه وطلعت بره القاعه في العرض الخاص وبكيت جريت ورايا تطبطب عليا وخصوصا إن في مشاهد انت كنت فيها معايا وحضنتني وقلتلي إجمد لسه ياما هتشوف”.
حسام داغر يكشف دعم هشام سليم له
وتابع حسام داغر كلامه عن هشام سليم، فكتب ” لما أنا اختلفت معاهم في مسلسل لحظات حرجه وكان المخرج الكبير ساعتها أول مرة يخرج ومكانش مقدر إني عندي مسرحيه مبلغ بيها الانتاج وكان لازم امشي قبل الساعه ٩ وخرجت من قوضتك يومها زعقت فيهم وفكرت المخرج يومها اللي اتريق على فكرة المشاركه في المسرح واعتبرها تضييع وقت إن والده الكاتب الكبير اساسا كان موظف في مسرح الدولة وإن كلامه ده ميخرجش غير من حد مش فاهم وقلتلي انت لسه هنا أجري الحق مسرحيتك يا حس”.
حسام داغر عن هشام سليم طول عمرك محارب
واختتم حسام داغر كلامه قائلًا، ” انت دايمًا ميهمكش وهيهمك مين وانت المتربي علي الاصول والاخلاق وجبر الخاطر، ربنا يجعل تعبك ومقاومتك للمرض اللعين في ميزان حسناتك، طول عمرك محارب حاربت واتحاربت كتير، لكن المرادي للاسف خسرت المعركه وخسرنا كلنا هشام سليم، ارتاح ونام ما هي الا نومة بنرتاح فيها كلنا أو ممكن اعتبرها، استراحة محارب مع السلامه يا برنس السينما والمسرح والتيلفزيون مع السلامه استاذ هشام سليم”.
رحيل هشام سليم
ورحل عن عالمنا منذ قليل الفنان هشام سليم بعد معاناة مع مرض السرطان، وأكد نقيب المهن التمثيلية أشرف زكي أنه سيتم تشييع الجنازة من مسجد الشرطة بالشيخ زايد بعد صلاة العصر وسيتم دفنه فى مقابر العائلة.
