بعد توثيق التبرع بأعضائها نجوم الفن يدعمون إلهام شاهين
كتب .. سامى راغب العمده
نشرت إلهام شاهين عبر حسابها الرسمي على موقع تبادل الصور والفيديوهات إنستجرام فيديو تتوصي فيها بتبرع بالأعضاء البشرية بعد الوفاة معلقة أحسن ما يأكلهم الدود وقالت إلهام شاهين في الفيديو أعلن تبرعي بكل أعضاء جسدي السليمة بعد وفاتي لمن يحتاج لها لأي إنسان محتاج قلب كلى كبد قرنية أو رئة ممكن لما تتبرع تفيد ناس كتير مش شخص واحد لأن الجسد هيفنى وينتهي وياكله الدود ويبقى في التراب لكن بالتبرع بنعمل خير وبنبقى أكتر إنسانية وبنخفف الألم على الآخرين وتابعت أكيد مفيش حد بيطول عمر حد والعمر له وقته ومكتوب لكن على الأقل بنخفف عن غيرنا الألم وبنحميهم من الحياة التعيسة والأدوية الكتير وأتمنى ننشر هذه الثقافة والوعي الإنساني المهم وأكملت حديثها سألت شيوخ كتير مستنيرين وقالوا لي حلال جدا وإنهم معلنين ومتبرعين بأعضاء جسدهم السليمة بعد وفاتهم ويا ريت كل إنسان مستنير وبيحب الإنسانية والخير يعمل كده ويا ريت الدولة تعمل خانة في الرقم القومي يكون مكتوب فيها أنا متبرع موافق علشان لما يموت حتى لو أهله ما عملوش ده الدولة تستفيد وتاخد الجثمان ولازم يكون عندنا بنك لزراعة الأعضاء لمن يريد يا رب نقدر كلنا نعمل خير وننشر الحب والمعاني الإنسانية الجميلة
