درب الأسية والمرار

درب الاسية والمرار
(مجموعة شعرية)
(١)
خاب املى

وقلت هتجبرى كسري كسرتى
وسطى فى وصالك

وقلت تطببي جرحى قسيتى
وزاد جرحى بافعالك

وقلت ارتاح على صدرك لاقيت
الجمر فى احضانك

وقلت هعيش الجنه فى قربك
بقيت اتمنى هجرانك

وقلت بكرة تغيرى طبعك لكن
صعب تبدلى خصالك

وقلت وقلت حلمت واتمنيت
لكن صدمتني احوالك

(٢)
هو انت لسه

هو انت لسةهتبتدي تانى
من جديد مشوار ندم

والجرح بعد مندمل يرجع
ينفتح ويزداد الالم

وانا لسة طايش و رومانسي
خايب ذاكرته عدم

وتوعدى وتخلفى وتقسمى
وتحلفى الف قسم

وتكدبى على وتتمسكنى
وتبكى وتقولى ليا عشم

ممثله بتتقنى دور الضحيه
وتذرفى الدمع أن لزم

لكن فهمت خلاص عقلت
وبعدى عنك امر اتحسم

(٣)
استغفرى ربك

استغفرى ربك وتوبى عن ذنبك عن
حب موتيه فى قلب كان حبك

استغفرى صدقينى انا عمرى
ممسامحك واطلبى العفو من ربك

لية الخيانه ليه والظلم كان ليه
لكن اقولك اية الغدر من طبعك

وعود مارعتيهاوعهود ماصنتها
ياماقاسيت الويل منك ومن غدرك

لكن بكرة تعانى الويل ياظالمه
لكى يوم تندمى وتتجرعى ظلمك

بأيةيفيد الندم على حب ضاع
وانتهى ياغادره عانى المرار عمرك

(٤)
لو تقدرى

لوتقدرى قولى كرهتك انطقيها
وانا مستني القرار
قولى نسيت كل مابينا وودعت
ايامك ونويت الفرار
اتكلمى ليه السكوت اعلنيهاوعلى
صوتك ليه الانتظار
اتشجعى لو تقدرى قولى معاك
شوفت الالام والمرار
اتشجعى وقولى انت خنت
ونسيت وبعت وانى نار
قولى عريضه اتهامك سطرى كل
التهم ولكى الخيار
لتكملى وتسلمى لحبنا لتبعدى لو
تقدرى لكى الاختيار

.
(٥)
ادلعي

اتبغددى وادلعى فاكره مفيش
فى الكون دة غيرك
ولو بعدتى خلاص هتوة وصرخ
وقول تعالي فينك
لو فاكره انى هحن ليكى واشتاق
لايامك وجيلك
اة دة السراب مفيش امل ونسيت
وودعت سنينك
كده انتى لسة بتحلمى وهيطول
معاكى حلم ليلك
ف الوهم عيشى وصدقى هتندمى
بكرة يا ويلك

(٦)
بعد اللي جري

بعد كل اللى جرى واللي
حصل انت عايزنى انتظر
لية مفيش في الدنيا
بعدك او بديلك تفتكر
يعنى تعمل مابدالك
و بمزاجك وفى النهايه تعتذر
وانا مفروض اني اسامح
مهما كان الخطا لايغتفر
واللي فات فات وانقضي
يعني مش لازم افتكر
واني اغفرلك اسوتك
هى يعني سابت اثر
ولاظلمك مكتوب عليا
وده نصيب وده قدر

(٧)
صدقينى

صدقي كان نفسي
اسامحك اصل
انا من طبعى السماح

انمااول مبتدي اغفرلك
واسامحك
تنتفض جواياالجراح

ليه تسامح حد خان
وباع ليه تسامح
فى العمر اللى راح

من قسوتك من
عمايلك ما بقي فى
قلبى للغفران براح

الشاعر /عبد المنعم حمدي رضوان
(طعم تاني)

Please follow and like us:
0

التعليقات مغلقة.