بنت البحر

★ بقلم نيفيان اسكندر
بنت بلد و مش مغرورة
عايشة زى ما طالعة بالصورة
هادية و بتحب حياتها
وعيشاها بطريقتها
بتعشق الغنا رغم سكاتها
بنت البحر
طلتها حلوة كلها سحر
ملهاش فى اللوع والمكر
بنت اسكندرانية
مشيها على الرملة غية
على الشط تشوفها انسية
و فى حضن البحر تقول جنية
روحها روشه
لكن متحبش الدوشة
بتلاقى نفسها فى الوحده
عمرها مزعلت حد
ولا ليها دعوى بحد
عايشة حياتها جد
ووقت الشدة توقف وتسد
ومن الجد عودها اشتد
ناجحه فى حياتها
لكن حزنها مغرقها
من كتر السكات جف صوتها
والدمع لون عيونها
وشكوتها للي خالقها
متخفش من مخلوق
بنت بلد وحنينة وذوق
واثقة بكره الدنيا هتضحك و تروق

Please follow and like us:
0

التعليقات مغلقة.