طعم تاني .القاضي انت والجلاد

قولى عريضه اتهامك
(القاضى انت والجلاد)

قولى عريضه اتهامك
اسردى وأحكى
واسترسلي

قولى ما شئتى من
التهم ببجاحه
و اياكى تتجملى

قولى انى خنت ظالم
وبعت و احكى
وفندى ودللى

لا طلبت منك تقلل
اندفاعك
أو تتروى أو تعقلى

اياك تاخدك بى شفقه
أو رحمه
تتراجعى أو تتمهلى

سنى سنانك و سهامك
وانهشى فى
لحمى ومثلى

خوضى معركتك بكل
الخسه والوضاعة
استندلى

الحرب دى رخيصه
والحرب خدعه
اكدبى ومثلى

بيعى كل شئ بارخص
سعر بسرعه
سهلى وشهلى

القاضى انت والجلاد
على أقصى حكم
احصلى

بالمؤبد احكمى بس
انتهى كل مابينا
مهما تعملى

الشاعر /عبد المنعم حمدي رضوان
(طعم تانى)

Please follow and like us:
0

التعليقات مغلقة.