ليلى احمد زاهر توجه رساله ل هشام جمال عبر “إنستجرام”
قامت الفنانه ليلى احمد زاهر بنشر صور تجمعها ب هشام جمال موجه رساله شكر له بعد نجاح أغنيتها “كلمه أخيرة” عبر صفحتها الشخصيه علي “إنستجرام”، وكتبت قائله : “انا طول عمري بقول انك دايما بتكون سبب في اي نجاح نجحته او بنجحه في حياتي بعد ربنا. لكن المشروع ده انا عايزة اشكرك عليه بشكل خاص قدام كل الناس لأني اول ما سمعتك الاغنية عشان اخد رأيك كنت مبسوط و فخور بيا جداً لأنك اول واحد وقفني قدام مايك،
و اول لما طلبت منك انك تخرجلي الكليب ما ترددتش للحظة رغم انك كنت مشغول قوي و وراك ٣٠٠٠ حاجة ما شاء الله و مع ذلك مقصرتش معايا ولا مع الكليب لحظة و كل حاجة خدت حقها الحمد الله و ده يدل علي انك راجل محترف جداً في الشغل و علي المستوى الإنساني اخويا و اقرب صديق ليا الي دايماً بيشجعني و في ظهري،
شكرًا يا هشام علي كل لحظة اديتها للكليب ده من جوه قلبك و الحمدلله الرسالة الفنية الي انت قدمتها في الكليب وصلت لناس كتير الحمدلله شكرًا يا اجدع و انضف اخ في الدنيا و ربنا يكرمك يارب في كل اعمالك الجاية و يارب دايماً ناجح”.
أغنيه كلمه أخيرة
وكانت قد طرحت ليلى احمد زاهر أغنيتها الجديده كلمه أخيرة عبر قناتها علي يوتيوب وهي أولى أغانيها، والأغنية من كلمات محمد حسن، وألحان وتوزيع إسلام زكي.
آخر أعمال ليلي احمد زاهر
ويذكر ان آخر أعمال ليلى هو مسلسل “في بيتنا روبت 2” الذي عرض في السباق الرمضاني عام 2022، والمسلسل من بطولة هشام جمال وشيماء سيف، وعمرو وهبة وليلى أحمد زاهر، ودنيا ماهر ومحمد أوتاكا، وطه دسوقي ومى دياب، وسليمان عيد، ومن تأليف عمرو وهبة ومن إخراج أسامة عرابي.
