هاني شاكر يكتب نهاية حسن شاكوش بعد قرار إيقافه نهائيًا أنا مليش عن الغناء شغلانة تانية
كتب .. سامى راغب العمده
كشف المطرب حسن شاكوش عن خططه للعمل بعد قرار نقابة الموسيقيين بمنعه من الغناء نهائيًا وصرّح شاكوش في مداخلة هاتفية مع الإعلامي عمرو أديب في برنامج الحكاية المذاع على قناة MBC مصر أنه لم يسمع بتصريحات هاني شاكر وأضاف ناس قالولي قرار هاني شاكر أنا مشفتوش ومسمعتوش هو يقول اللي هو عايزه أنا مليش شغلانة تانية دة أكل عيشي والفن اللي بقدمه لجمهوري والملايين اللي بتسمعني أنا مليش شغلانة تانية وتابع هي المشكلة كانت مع رضا البحراوي بس ودي مشكلة راحت لحالها ورضا نزل الشغل ودي أول مشكلة ليا واستكمل شاكوش لا أنا كان عندي حفلات برة مصر في الإمارات ولسة راجع من تونس وعندي حفلات تانية برة مصر ومشتغلتش في مصر أنا محترم قرار النقابة وملتزم بجدول حفلات برة مصر وتابع بتصل بكذا حد في النقابة علشان نحل بس هما محدش رد عليا بمعلومات كافية وأنا عايز ارجع اشتغل في بلدي مينفعش أبقى بشتغل برة مصر واختتم حديثه لما أكون موقوف في بلدي بيبقي الواحد ملوش نفس للشغل ولا عمل أغاني بس أنا الفترة دي بسجل أغاني وانزلها الفترة الجاية ما أنا مش هقعد في البيت لا بسجل أغاني ولا بنزل شغل
