فن
إشهاد طلاق
بقلمي. وفاء علي
إنسب هواك وإعلنه
مش ليا
لأ ليها
وهات شهود بالزور
علشان تراضيها
وإحلف بكل يمين
إنك ماحبتنيش
وجوازنا كان نزوه
غلطة فى لحظة طيش
وهات شهود إثبات
بإنى جانيه عليك
وإن قلبك مات
لحظة ماسبت ايديك
والإختيار كان صعب
فإخترت نبقى بعاد
ماهى عشرة عمر
وأم للأولاد
أما أنا فعلا
عشرة شهور وأيام
هتعب يومين عادى
وهبقى تانى تمام
اختارت أعيش نكرة
تأثيرى كان ولا شيء
مسكتك الدفة
ودخلت بحر غريق
من إمتى كان أعمى
يوصف لغيره طريق
يعنى الحكاية خلاص
صبحت وداع وفراق
وعشان تعيش مرتاح
وتجدد الأشواق
ضحيت أكيد بيا
وآخرها عقد طلاق
من ديوانى …..عكس إتجاه #
