كتب -هبة القاضي
نشر الفنان عمر متولى، عبر حسابه الشخصى على موقع التواصل الاجتماعى “فيسبوك”، صورة مع خاله الفنان عادل إمام.
وكشف المنتج عصام إمام، شقيق الزعيم عادل إمام، عن آخر تطورات حالته الصحية، وما أثير عنها فى الأونة الأخيرة، قائلا: “الواحد مل من الشائعات وتعودنا عليها، كل شوية شائعة شكل ومش عارفين نعمل إيه!”.
وأضاف أنه كان برفقة عادل إمام، وكانا يتحدثان ويمزحان، قائلا: “كنا قاعدين بنتكلم النهاردة وبنهرج وبيقلى ياعصام دول موتونى قبل كده خمس أو ست مرات هيقولوا إيه تانى؟”.
وحول سماع الزعيم بأنباء اصابته بالزهايمر، قال عصام: “مش متابع هو سوشيال ميديا كتير لكن سألنى إنت ليه بتطلع ترد وتتكلم عنى؟ قلتله لما يقولوا عندك زهايمر لازم أطلع وأرد”.
وعن سبب عدم خروجه لطمأنة الناس قال: “مش من طباعه الظهور هو قليل الظهور فى البرامج والمداخلات، وهو عنده مبدأ طول حياته أن أعماله اللى تتكلم”، مبينا أن العائلة كانت تنزعج فى الماضى، من مثل هذه الشائعات، لكن الآن بات الأمر عاديا.
