محكمة جنح التجمع الخامس: تغريم عمرو دياب 200 جنيه بـ قضية الشاب المصفوع
كتب_زينب غازي
قضت محكمة جنح التجمع الخامس اليوم بتغريم الفنان عمرو دياب 200 جنيه، وإلزامه بدفع 10 آلاف جنيه تعويضًا مدنيًا مؤقتًا للشاب سعد أسامة، مع إعلان براءة الأخير من التهمة المنسوبة إليه في القضية المعروفة إعلاميًا بـ “الشاب المصفوع من عمرو دياب”.
وتغيب الفنان عمرو دياب عن حضور جلسة الحكم عليه في اتهامه بالتعدي على الشاب سعد أسامة في الواقعة الشهيرة بـ الشاب المصفوع.
وكان المحامي أشرف عبد العزيز الوكيل القانوني للفنان عمرو دياب، صرح بأن موكله يرحب بجميع المعجبين، وفوجئ بقيام الشاب بجذبه عنوة من الظهر، وحينها اعتقد أنه يحاول الاعتداء عليه، فقام بضربه.
وأضاف الوكيل القانوني للفنان عمرو دياب، في تصريحات صحفية، أن «الشاب المصفوع قام بالتشهير بموكلي على مواقع التواصل الاجتماعي، بقصد إثارة الشغب والحصول على الشهرة على حساب واقعة الصفع»، مشيرًا إلى أن موكله عمرو دياب، حاول فريقه التواصل مع الشاب مع أجل مصالحته إلا أنه رفض وقرر اللجوء إلى ساحات القضاء.
وبناء على انتشار فيديو واقعة الفنان عمرو دياب تساءل رواد مواقع التواصل الاجتماعي، عن هوية الشاب الذي صفعه عمرو دياب في الفيديو الذي انتشر على نطاق واسع على مواقع التواصل الاجتماعي، عندما حاول التقاط صورة معه.
وكسب هذا الشاب، تعاطف رواد مواقع التواصل الاجتماعي، وهو سعد أسامة، شاب من مواليد محافظة الأقصر، مقيم في القاهرة، كان من أحد المعازيم في فرح ابنة المنتج محمد السعدي.
وتفاجأ سعد أسامة، بصفع عمرو دياب له، مما جعله لم يأخذ ردة فعل في نفس الوقت بعد صفعه، ولكنه عندما أدرك ما حدث توجه أسامة إلى إدارة الفندق الذي أقيم فيه حفل الزفاف، لتقديم شكوى ضد الهضبة، ولكن إدارة الفندق لم تتقبل شكواه، ولم يهتموا بالأمر.
وصرح الشاب محمد سعد أسامة، صاحب واقعة الصفع من عمرو دياب، في أول ظهور صحفي له: «أنا حزين جدًا أنا واحد معجب كنت عاوز أتصور معاه مش أكتر من كدة.. الحركة اللي حصلت منه مش لطيفة خالص ولا تليق بواحد تفكيره زي عمرو دياب».
وأضاف سعد: «الناس كلها بتتصور معاك مين اللي بينجحك؟ احنا اللي بنخليك تريند.. مين اللي طلعك فوق وحققلك مشاهدة؟ احنا اللي بندي قيمة للواحد.. أنا مش بشحت منك ولا بقولك هات حاجة لله.. أنا بحبك وعاوز أتصور معاك والتليفون أنا كنت رافعة عشان معطلوش وكنت مستني الشغل أما يخلص اتفاجئت أنه اداني بالقلم على وشي».
وتابع الشاب صاحب واقعة الصفع من عمرو دياب: «عاوز أمسح الفيديو باي شكل الواحد خجلان من الموقف، أنا محرج وسط أصحابي.. موقف مش لطيف أنا دلوقتي رايح أشتكيه في النقابة الأول وأشوف أي اجراء رسمي عشان أعوض حقي في اللي حصل».
وأوضح سعد، سبب شده لملابس عمرو دياب الفنان: «أنا مقرصتوش أنا كنت بحسسه أن في حد واقف جنبه عاوز يتصور معاه مش أكتر من كدة.. حطيت إيدي على ضهره عادي، أنا بحبه جدًا مش بغرض أي شيء آخر لكن اتفاجئت برد الفعل».
واختتم حديثه: «كنت معزوم في فرح رجل الأعمال عامر جنوب.. وأنا كنت بحب عمرو دياب جدا على طول بسمع أغانيه، وكان في بالفرح فنانين كتير، ومقومتش من مكاني لكن هو اللي قررت أقوم أصوره لايف عشان أبقى فاكرها».
