سماح أنور أنا غير صالحة للعلاقات العاطفية ووقعت فى الحب مرة واحدة
كتب .. سامى راغب العمده
قالت الفنانة سماح انور أنا مش مسترجلة ولا حاجة هما اللي بيقولوا كده واللي بيقول عليَّ مسترجلة بفرح أوي لأني هو أكيد شافني عملت الدور كويس وأقنعته به وتابعت خلال لقائه ببرنامج كلام الناس المذاع على قناة إم بي سي مصر اخترت أدواري باختياري دون أن يجبرني أحد عليها وأنا بلبس بنطلونات علشان برتاح فيها ومش دا اللي يخليني مسترجلة ولفتت مش برد على الشائعات اللي بتتناول حياتي الشخصية وفي عصرنا الحالي مهارة التفكير معدومة تقريبًا وأشارت أنا من الناس اللي بقع في الحب لكن ما بقعدش أقول عايزة اتجوز ما حبتش إلا مرة واحدة في حياتي ومكنتش لطيفة وبالنسبة لي ما بشجعش تجربة الحب وأي ست لما بتحب بتقع على أسنانها والموضوع ده بيطفش الرجالة وأنا ما بعرفش أتقل في الحب وببقى قاعدة بتعذب لإني ببص علي التليفون وعايزاه يرن عليَّ ويكون معايا على طول وعلشان كده أنا مش صالحة للعلاقة العاطفية وأنا دلوقتِ في سن مش بتاع حب وغير صالحة للعلاقات العاطفية ومنفعش في الحب وحياتي بقت مقفولة على نفسي أنا وشغلي وابني وأنا مش عايزة راجل في حياتي
